Stimulus checks FAQ

Bawmhnak ka ngah lai maw?

Thil pahnih ah aa hngatchan. Social Security bawmhnak na hmuh lo ahcun a pakhatnak ah kum khat chung hmuhmi tangka (income) ri an khiahmi na luan lo a herh, cun  a pahnihnak ah tax return na tuah a herh.

Zeizat dah ka ngah lai?

Tax return ah minung pakhat (single filer) in aa tuahmi cu $1,200 an hmu lai. Pahnih (nuva) in aa tuahmi (joint filers) cu $2,400 an hmu lai. Fa na ngeih ahcun hngakchia pakhat ah $500 hmuh a si lai. Tahchunhnak ah, chungkhar milu pali a si i fale 2 a ngei mi cu $3,400 an hmu lai tinak a si.

Kei ka ngah lai maw?

Minung pakhat (single filer) nih kumkhat ah $75,000 a hmuh ahcun, le minung pahnih (joint filers) nih kum khat ah $150,000 an hmuh ahcun hi bawmhnak hi tlawm deuh an hmu lai. Kumkhat (income) hi nak tlawm deuh (minung pakhat nih $75,000 tang nuva nih $150,000 tang) a hmu mi an si ahcun bawmhnak a tling tein an hmuh lai. Cun, minung pakhat (single filer) nih a kumkhat a hmuhmi (income) hi $75,000 in $99,000 karlak a si ahcun tlawm deuh bawmhnak a hmuh lai. Minung pahnih (joint filers) nih an kumkhat hmuhmi $150,000 in $198,000 karlak a si ahcun bawmhnak cu tlawm deuh an hmu ve lai. Minung pakhat (single filer) lawng in tax a tuahmi na si i na kumkhat hmuhmi kha $99,000 cung asi ahcun hi bawmhnak hi na hmu lai lo. Nuva (joint filers) nan si i kumkhat ah $198,000 cung a hmu mi nan si ahcun hi bawmhnak hi nan hmu ve lai lo. 

Hi bawmhnak hi zeitindah ka hmuh lai?

Kum 2018 silole 2019 ah tax return na tuah, siloah Social Security bawmhnak na ngah ahcun nangmah nih zeihmanh tuah hau loin hi bawmhnak hi na hmuh lai. Tax na tuah lio ah na bank account ah direct deposit in na tuah ahcun mah ka ah cun a lut lai. Direct deposit na tuah lo ahcun kum 2018 siloah 2019 i tax na tuah lio i na hman mi address ah khan check in kuat na si lai (a donghnak tax na tuah lio i na hman mi address paoh). Kum 2018 le 2019 ah tax na tuah lo nain Social Security bawmhnak na hmuh ahcun Social Security na hmuh ning tein hi bawmhnak hi a rak lut lai.  

Social Security bawmhnak ka hmu lo, cun kum 2018 le 2019 tax ka tuah lo ah tah zeitindah a si lai?

Bawmhnak hmuh duh ahcun na tax na tuah ta hrim a herh. Man lo tein tax tuahnak kong irs.gov ah hmuh khawh a si.

Zeitik ahdah bawmhnak hi ka hmuh lai?

Congress nih IRS cu a rang khawh chungin kuat colh dingah chimh a si. A si nain thla khat maw siloah sau deuh zong a rau kho ṭhiam. Hi bawmhnak a rang cem in a hmu hnga ding cu tax return a tuah cang i direct deposit in bank ah tangka a luh ter mi an si. Cu ti na tuah lo ahcun, a ran khawh chung in tax na tuah a hau. Tam deuh theih duh cun man loin tuah khawhnak ding theih duh ah cun irs.gov ah va kal. 

Hi bawmhnak ka hmuh mi hi hmaikum ah ngunkhuai (tax) pek a hau lai maw?

A hau lo. Hi bawmhnak cu ngunkhuai pek a hau lomi a si.

Rian ngei lo ruangah bawmhnak (unemployment benefits) ka hmuh siloah ka hmuh ding a si ahcun hi bawmhnak hi ka hmu ṭhiam lai maw?

Na hmuh lai.